Osmani e shpallë të mërkurën ditë zie shtetërore për viktimat e aksidentit tragjik në Bullgari

19:03 | 23 Nëntor 2021
Përparim Bublaku

Presidentja e Kosovës, Vjosa Osmani, ka shpallur të mërkurën ditë zie në Kosovë, pas aksidentin në Bullgari ku humbën jetën 46 qytetarë të Maqedonisë Veriore, ku shumica ishin shqiptarë.

Në njoftimit e Presidencës thuhet se ky vendim është marrë në shenjë solidarizimi dhe nderimi të qytetarëve të Maqedonisë së Veriut.

“Presidentja e Republikës së Kosovës, Vjosa Osmanin në mbështetje të legjislacionit në fuqi, ka marrë vendim të mërkurën, me 24 nëntor 2021, të shpallet ditë zie shtetërore në shenjë solidarizimi dhe nderimi të qytetarëve të Maqedonisë së Veriut, shumica dërmuese bashkëkombas tanë, të cilët kanë humbur jetën tragjikisht në aksident trafiku në Bullgari”, thuhet në komunikatë./arbresh.info/